-
Lamentu di u prigiuneru
Lamentu di u prigiuneru
(Accords "Sunemu")
MI min / SOL
Da ch'eo mi trovu
SI 7 / MI min
In prigione serratu
MI min / DO
Chjamu la musa
SI 7 / MI min
Ch'ella veng'a u mio latu
LA min / MI min
Ma sì ella ùn hè cunfusa
SI 7 / MI min
Racunterà u mio passatu.
SI 7 / MI min
U capu in sena
Cù la manu à lu core
Pensu è ripensu
Cù qual'facciu l'amore
Ma più pensu à lu tenente
Ch'à li corsi ci ne vole.
Ciò ch'ellu vole
Di per mè una sone
Di quattru corsi
N'hà messu trè in prigione
È pò c'hà spiccati à tutti
Privu di cunversazione.
Quellu chì resta
In prigiò c'hè digià statu
L'hà rasatu la testa
È pò dopu l'hà serratu
Face chì di quattru corsi
Più nisunu ùn s'hè scurdatu.
Paisanu eo
Chjamatu per cinqu'anni
Ne pregu à Diu
Sempre allegri passali
Ma lu latru s'hè vandatu
In galera vole mandami.
Li pughjeranu
Li soi purgatoriu
S'ell'hà sapesse
Ch'eo scrivu nant'à stu fogliu
O lu mondu diceria
Ch'ell'ùn hà tamantu orgogliu.
Goffu è di cima
Di mezu pare un'imbutu
Da lu spinacciu
Ne fala à usu imbutu
O s'hè voi lu vidarete
O cum'ell'hè malfututtu.
Version Canta u populu corsuVersion L'arcusgi
Lamentu di u prigiuneru, tradiziunale Rusiu par pijedid Pro @ 2007-09-14 – 08:05:47
(Di)ce :
Da ch'o mi trovu
In prigione serratu
Chjamu la musa
Chì'l'venghi à lu mio latu
Ma sì ella n'ùn hè cunfusa
Racunterà'l mio passatu
Lu capu in sena
Cù la manu à lu core
Pensu è ripensu
Cù qual'facciu l'amore
Ma più pensu à lu tenente
Chì à li Corsi ci ne vole
Sò ch'ellu vole dì
Per mè n'ùn a sò ne
Di i quattru Corsi
N'hà messu trè in prigione
È po ci hà spiccatu à tutti
Privi di cunversazione
Quellu chì resta
In prigiò ci hè'già statu
Prima l'hà rasatu la testa
È poi dopu l'hà serratu
Face chì di i quattru Corsi
Di nisunu s'hè scurdatu
Poli son'io
Ingagiatu di cinque anni
Ne pregu à Diu
Sempre allegru di passà mi
Chì lu latru s'hè vantatu
In galera vole mandà mi
Li purgheranu li soi in purgatoriu
Sì la sapessi
Ch'o scrivu nantu stu fogliu
Ma à lu mondu diceria
Ch'ellu ùn hà tamantu orgogliu
Goffu hè di cima
Di fondu pare imbutu
Cù lu spinacciu
Chì ghjè bellu zumbutu
O sì vo lu viderete
O cum'ellu hè malfuttutu !
Version traditionnelle Rusiu (mp3)
http://paghjella.blog.fr/
-
Commentaires