Stu scrittu, palesa l’intulerenza di una sucetà chjosa in i so codici murali, ci conta a storia di dui amanti chì piattanu u so amore. Scuperti, scatenanu l’ira di u paese, ma l’amore ùn si pò parà « l’amore ùn hè da criticà ». L’amanti fughjenu in muntagna, unicu rifugiu, da pudè campà felici. (U Pinziglione)

Per la manu à listessu passu

Fughjendu u paese accanitu

In la filetta si sò chjinati

In quella machja ultima casa

U core à strappà lu pettu

È l’ochji pieni di lume crosciu

Ma ci hè un locu in muntagna

Chì mancu d’estate ùn vole siccà.

U ghjornu avia figliulatu

Di a so notte à più nera

Ancu lu tonu ci si era messu

Cum’è à vulelli cundannà

E campane di u scandalu

Si sò tutte messe à sunà

Ma ci hè un locu in muntagna

Chì mancu d’estate ùn vole siccà.

Sunate puru campane inferne

L’amore ùn hè da criticà

E vostre voci à noi sò mute

Ùn le vulemu ascultà

Nunda quì ci pò mantene

E pieni ùn si ponu parà

Ma ci hè un locu in muntagna

Chì mancu d’estate ùn vole siccà.

Da poi ùn sò mai più ghjunti

Pare ch’elli sò sempre in machja

Amutuliti i paisani

Ùn anu più nimu à sprezzà

Da l’amanti maladetti

Nimuùn ne vole più parlà

Ma ci hè un locu in muntagna

Chì mancu d’estate ùn vole siccà.

https://www.francebleu.fr/emissions/un-ghjornu-una-canzona/rcfm/un-ghjornu-una-canzona-l-amanti-maladetti

Si7 Sol Si7 Mim

Si7 Sol Si7 Mim

Mim                                               (Do)

Per la manu à listessu passu

Do                  Ré7             Mim

Fughjendu u paese accanitu

        Lam                    Do       Fa#

In la filetta si sò chjinati

                                            Si7

In quella machja ultima casa

   Lam7      Ré              Mim     (Si7)

U core à strappà lu pettu

   Si7                                Mim

È l’ochji pieni di lume crosciu

Sol   Do               Ré          Mim

Ma ci hè un locu in muntagna

                            Si7                     Do

Chì mancu d’estate ùn vole siccà.

                            Si7                     Mim

Chì mancu d’estate ùn vole siccà.