Vogliu

Vogliu (Parolle è mùsica : Ghjuvan Francescu Bernardini - Umani)

Amore e libertà pè rispond'à tè Cameddu

Pè ritruvà i sogni chì u ventu si porta
Pòrghjeci a manu àpreci a porta
Pè rifà u viaghju risponde à la sorte
Festighjà le dumane è to belle racolte
Pè cunsulà e pene pisà le rivolte
Tene contu a pace in lu solcu di l'orte
Nantu à i lindumani u to cantu più forte
A sperenza chì cresce è si pesa una volta

Vogliu un pòpulu chì ride
Vogliu un pòpulu chì canta
Per amore rispundite
V'aghju sunniatu tantu
Vogliu un pòpulu chì ride
Vogliu un pòpulu chì canta

Quand'ellu hè tempurale è ch'ellu ci vole à crede
Quand'ellu vanu male a passione è a fede
Quandu a notte fala à lascià e so pene
Quandu a notte cala è ritarda l'avvene
Pè ritruvà la stima ritruvà la gioia
Tene caru lu mondu è poi la casa soia
Per affruntà li ghjorni fà fronte à la vita
A verità crudele a dignità ferita

Vogliu un pòpulu chì ride
Vogliu un pòpulu chì canta
Per amore rispundite
V'aghju sunniatu tantu
Vogliu un pòpulu chì ride
Vogliu un pòpulu chì canta