• Voceru per Caninu

    Voceru per Caninu



    « Eo vurria chì la me voce
    Fussi tamant’è lu tonu
    Chi passassi per la foce
    Di San Petru è Vizzavona
    Per chi soni in ogni locu
    La gran prova di Gallonu.

    Tutti à lu Lucu di Nazza
    Tutti s’eranu aduniti
    Cun quella barbara razza
    Li suldati è li banditi,
    Cù a timpesta d’arimani
    Tutti insieme sò partiti.

    In fondu di lu rionu
    Si sintia rughjà lu ventu
    Chi purtava da Isonu
    A malora è lu spaventu
    Si vidia chì per aria
    C’era accidia è tradimentu.

    Sonu subitu partiti
    Tutti i lupi cù l’agneddi
    È marchjavanu aduniti
    À lu son di i cialambeddi
    Quandu ghjunsenu in la sarra
    Ti taglionu i garganeddi.

    Quand‘eu intesi li brioni
    M’affaccai à lu purteddu
    Dimandai : « chi nova ci hè (ni) ?
    - Anu tombu u to frateddu
    L’anu presu ind’a sarra
    N’anu fattu lu maceddu. »

    Nun ti valse lu curaggiu
    Non ti valse la schjuppetta
    Nun ti valse la pugnale
    Nun ti valse la tarzetta
    Nun ti valse ingermatura
    Nè orazione benedetta.

    A guardà le to ferite
    Mi s’accresce lu dulore
    Perchè più nun mi rispondi ?
    Forse ti manca lu core ?
    O Cani, cor di suredda
    Ai cambiatu di culore !
    À lu paese di Nazza
    Ci vogliu piantà un prunu
    Perchè di la nostra razza,
    Un ci passi più nisunu
    Perchè ùn funu dui nè treni
    Ma cinque omini contr’à unu.

    Lu moi largu di spaddera
    Lu moi minutu di vita !
    Cum’è tene nun ci n’era
    Parie una mazza fiurita,
    Solu u pinseru di tene
    Or sustene la mia vita.

    À lu pede di stu puddone
    Ci vogliu piantà lu moi lettu
    Parchì qui, u moi fratidonne,
    Ti tironu à mezu pettu,
    Vogliu lacà lu gunneddu
    Vogliu armà schjoppu è stilettu.

    Vogliu polvere è cartucci
    Per armà la mio schjuppetta
    Vogliu cinghje la carchera
    Vogliu cinghje la tarzetta
    O Canì, cor di suredda
    Vogliu fà la to vindetta. »

     

    Accords de la version de Dopu Cena proposés par le forum de Sunemu

    Capo 2

     

    Intro : Lam/ Sol/ Do/ Sol/ Lam

     

    Lam/Sol

    Eu vurria ch'è la me voce

    Sol

    Fussi tamant'é lu tonu

    Lam/Sol

    ch'ella franchessi le foce

    Mim/Lam

    di san Petru e Vizzavona

    Sol/Lam

    Per chi soni in ogni locu

    Mim/Lam

    Le gran' prove di Gallonu.

    Partager via Gmail

    Tags Tags : , , , , ,
  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :