-
UN SCURDEMU U CORSU - Dominicu Leca, dit "Furcatu":
UN SCURDEMU U CORSU
Ne vurebbe in tu me' cantu
Divvi le me' intinzione
Un scurdemu mai lu corsu
Nè in parolle, nè in canzone
E guardemu lu ricordu
Ch'hà lasciatu ogni babbone.
A dilla lu veru corsu
Di a so' lingua nun s'inganna
Ne pensu à tante parolle
Quandu cantava minnanna
Ancu filendu la rocca
O la sera à la capanna.
A tutte quelle cantate
In quellu tempu luntanu
Ch'omu partia in aiuta
A lu coglie di lu granu
Cuntenti l'omi è le donne
Tutti cu le falce in manu.
Ma oghje tuttu hè cambiatu
Solu conta l'intaressu
Ognunu pensa à se stessu
E l'altri venenu appressu
Trovanu questa ben fatta
Dicenu ch'hè lu progressu.
Cio chi ci vola à spiegà
Sopratuttu à li zitelli
Stianu à sente lu cuccu
Lu cantu di li sturnelli
Chi cantanu sempre in corsu
Inseme tutti st'acelli.
Ne cantu lu rusignolu
U merulu è la frisgiona
Ognunu li da un versu
Ma hè la stessa canzona
Chi cantanu l'aria corsa
Raligrendu ogni parsona.
I cignali pè a campagna
U muvrone in la furesta
Intesu lu cantu corsu
Ognunu di pasce s'arresta
L'ape escenu da u bugnu
E tutte facenu festa.
Quand' ellu sbarca u frustere
O quantu hè smaravigliatu !
Di e nostre belle cuntrate
Stà à sente lu parlatu
Va à vede à Monte Cintu
Cu lu Capu Tafunatu.
Quelli chi m'avete intesu
Pensu ùn l'avete da scurdà
E quandi vo' avete figlioli
Ma la prima cosa à fà
Amparateli lu corsu
A parlallu cu fiertà.
Dominicu Leca
-
Commentaires
Un scurdemu mai lu corsu
Nè in parolle, nè in canzone
E guardemu lu ricordu
Ch'hà lasciatu ogni babbone.
En quatre lignes tout est dit
Préservons notre langue, nos valeurs, et faisons en sorte que nos descendants les maintiennent .
Bon dimanche.
je n'ai pas compris mais au moins c'est dans la langue Corse qui vit envers et contre tous. Bisousssss
.... e quandi vo' avete figlioli Ma la prima cosa à fà Amparateli lu corsu A parlallu cu fiertà.
e cusi sia !
7constanceMercredi 31 Août 2016 à 08:36Je parle corse bien sûr....je sais le lire bien entendu....mais hélas ,je ne sais pas l'écrire...mais mon attachement à la Corse est viscéral.
Ajouter un commentaire
Un texte superbe ! Être fier de sa langue et la garder vivante.
Admirer cette merveilleuse terre corse et sa nature sous toutes ses formes.
Rester solidaires les uns des autres sans rechercher le profit.
Un hymne magnifique à ton île.
Bisou, Jean, et merci.
Francine.