U ritrattu

O cusi bellu ghjuvanottu, chè partutu à u fiore di l’età

Hè partutu eramu in diciottu, cun prumessa di riturnà

Aghju ind’è l’arechja a scarpata, di u sullatu chì si ne và

U vecu fallà per a chjappata, dicendu « o Marì ùn ti ne fà ! »

U ritrattu nantu a muraglia, hè una vera calamità

Stringhje u core cum’è a tenaglia, di quella ch’ùn si pò scurdà

Cusì dice a vechja Maria, quand’ella si mette à pensà

A u sullatu d’infanteria, inquadratu tant’anni fà

Eo mi ricordu una sera, m’hà dettu pigliendu u caffè

Un vole finisce sta guerra, prestu credu tuccarà à mè

E allora m’hà fattu sposa, pocu tempu vogliu vene à dì

U tempu di lascià una cosa, chì dica ch’ellu hè statu quì

Hè ingrandatu a nostra figliola, senza cunnosce u so Babbà

Di u ritrattu nantu a cumoda, ùn si ne pò arricurdà

Se tu voli un santu destinu, per i to figlioli o Ghjesù

A tenuta di u pannu turchinu, fà ch’ell’ùn si veca mai più

E dipoi a vechja Maria, u mandile ùn lu si caccia più

Se i zitelli à chjamanu zia, dannu un fiore di ghjuventù

Accords

Corse Matin sur ce texte