• QUANDU SERO PER CORTI

    QUANDU SERO PER CORTI

    QUANDU SERO PER CORTI

    Quandu serò per Corti
    Piazza à la Citadella
    Addio la mio zitella
    Ti devu abbandunà.

    Traverserò la Foce
    Tutt'alegru è cuntentu
    Mi venerà lu pientu
    Cara pensendu à tè.

    Quandu serò per mare
    Nant'à li bastimenti
    Espostu à l'acqua è i venti
    Sempre pensendu à tè.

    Quandu serò in Aiacciu
    Piazza à la Prefettura
    O chi ghjurnata scura
    Ch'ella serà per mè.

    Quandu sero per Mare
    Di punta alle Turchine
    Addio la culomba mia
    Ti devu abbandunà.

    Quandu serò in Marseglia
    Nantu à la Cannabiera
    Ghjornu matina è sera
    Sempre pensendu à tè.

    Quandu serò in Marseglia
    A mez'i Marsigliesi
    Addio belli paesi
    Vi devu abbandunà.

    A vita di lu suldatu
    Hè una vita santa
    Si manghja si beie è si canta
    Altri penseri ùn si hà.

    Ma nun ti lasciu sola
    Ti lasciu un zitelletu
    Stringhjilu forte in pettu
    Abbraccialu per mè.

    Voi altri pasturelli
    Chi à le pecure andate
    S'é vo la rinscutrate
    Basgiatela per mè.

    Addiu belli paesi
    Addiu belle campagne
    Addiu belle cumpagne
    Vi devu abbandunà.

    Partager via Gmail

  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :