• A mio cunfina - Carl'antò Guastalli

    A mio cunfina - Carl'antò Guastalli

    Accords "Sunemu.net" (forum)

    A mio cunfina - Carl'antò Guastalli

    A mio cunfina


    SOL...................................................................
    Se tu voli seguitammi à marchjà à lu mio latu
    ...........DO...........SOL.........................................RE
    vogliu fatti fà un giru in trà Petra, Arghjusta è Pratu
    ............DO.........SOL.............................RE......SOL
    scuntrerai le vistiche chi l’antichi anu lacatu

    Orezza l’anu chjamata ricchezza di a natura
    Pulmone di Cursichella, ‘ssu giardinu di virdura
    U so castagnu frundutu li dava fruttu è friscura.

    Avà currenu da quassù da la sera à la mane
    U fieru San Petrone è a punta di e Caldane
    Poi tra mezu ritruverai Callerucciu è e trè funtane.

    Portati versu u mare, ripiglia u to caminu
    Escerai in Arcarotta, à cruciacci u destinu
    Di a pieve Alisgianinca chì si tene quì vicinu.

    Prestu piglia l’attippata, pesati cum’è l’acellu
    Per fà una rifiattata, fermati nu u zuccarellu
    Duve à un’epica andata, c’avianu fattu un castellu.

    Appinuccia più luntanu a cima di l’Olimelli
    Chì supranisce u compulu è i so dui caselli
    Cullavanu l’estatina à stacci i pasturelli.

    A cima di Cunconi induve tu passerai
    I busselli eppò u stollu da custì ci viderai
    U paese di Fiuminale ch’hè un disertu oramai.

    San Bartuli chì t’aspetta in fondu di sta falata
    A so funtana chì corre, acqua fresca è dilicata
    Spessu c’hè qualchì pastore à fatti una chjachjarata.

    Da le cunfine orrezzinche scupertu ai ‘ssu cantone
    Chì face batte u core è cresce ogni passione
    Guardemu d’ùn lascià more ‘ssu locu di tradizione. (bis)

    Partager via Gmail

  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :