A CASTAGNA

A CASTAGNA Puesia . estratta di "U Muntese 1971"
Autore:Ghjuvanni Maestrali,pueta asculanu é balaninu.

Per quelli sepali brutti
d'intriscati lamaghioni,
aghiu coltu mille frutti
cari a li nostri babboni,
quandu nant'a questa terra
spassighiava Mamma Piera...

O arburi d'abundanza
di u passatu graditi,
ch'in tragica circustanza,
salvaste tanti famiti,
ma di coglie,ora,é sdetta
quella manna benedetta.

U presente un ha più famme
e l'anticu fruttu d'oru
é ripastu di bestiame,
micca più quellu tesoru
chì servîa di biscottu,
fussi crudu,fussi cottu.

O generosu cumpagnu
d'un' epica cusì réa,
offertu da lu castagnu
in tempu di l'epopéa,
quandu Genuva,l'infama
ordîa,oddiu e trama.

O fureste di pulloni,
o ricchezz'abbandunate
a porci,capr'e muntoni,
in ste valle spupulate
duve và,senza rimorsu,
cantendu,u novu Côrsu.

L'accordi

Sol…………………….Lam

Per quelli sepali brutti

………………………..Sol

d'intriscati lamaghioni,

………………………….Lam

aghiu coltu mille frutti

………………………Mim

cari a li nostri babboni,

………………………………….Ré

quandu nant'a questa terra

………………………..………..Sol (Lam) Sol (Ré) Sol

spassighiava Mamma Piera...

Télécharger « A CASTAGNA.pdf »